Aaj beetein zindagi ke panno ko
Fir se hum ne ulat ke dekha
Yaadon ke us kafile ko
Khushi aur gum me duboke dekha

Kitne haseen the woh pal
Jinhe hum jeeya karte the
Dosti ke pyalo me bhar bhar ke
Khushi ke jam piya karte the

Haste the, rote the
Gussa karte the, emaan se
Ruthne pe manate the
Daant khate the, par shaan se

Zindagi ke kisse – chote bade
Ek doosre ko bataya karte the
Unki aakhon me aaye aanson ko dekh
Khud ka majak banake bhi unhe hasaya karte the

Dil ki baat, zuban pe aane se pehle
Beena kahe jaan liya karte the
Yaad karta tha jo koi kahi
Bina bulaye pareshan karne pahuch jaaya karte the

Par aaj is tute hue ristho ko dekh
Sochte hai, kyo thi woh majboorian?
Ji rahe the hum khushi se
Kyon aa gayi hai ye doorian?

Haan aaj woh ruthe hai, hum manate bhi nahi
Nahi keh sakte ki hum khafa bhi nahi
Haan par ye bhi sach hai
Is khalipan ki ab koi dava bhi nahi