Kosish ki humne tujhko pane ki,
Saja mili hume dil lagane ki,
Khud jise shamma dhoodh rahi,
Kya baat hai us parwane ki……..

Kahin door jab din dhal jaye,
Teri yaad aansu ban chali aaye,
Maine chaha tujhe itna,phir bhi,
Kyun tu “ghayal” ko tadpaye.
Saja milegi tujhe bhi jaalim!!
Ek aashiq ko yun tadpaane ki…..
Khud jise shamma dhoodh rahi,
Kya baat hai us parwane ki……..

Main ek zinda laash ho gaya,
Zindagi se hataash ho gaya,
Roshani se is kadar naata tuta,
Ki main amawas ka akaas ho gaya.
Ro na pade kahin tu mujhe dekh,
So khabar na lena is deewane ki….
Khud jise shamma dhoodh rahi,
Kya baat hai us parwane ki……..

Ishq mera khuda,tu meri khudaai,
Tu meri mehfil aur meri tanhaai,
Sab seh lega “ghayal” bas,
Na seh paayega tujhse judaai.
Bhula na dena mujhe kabhi,
Sambhale rakhna yaad is anjaane ki……
Khud jise shamma dhoodh rahi,
Kya baat hai us parwane ki……..

Na zameen me,na falak me,
Na hi kisi kaatil jhalak me,
Tera basera to hota hai bas,
Meri us bheegi palak me…..
Tu hi hai mera aakhiri sahara,
Tu hi karan mere ladkhadane ki….
Khud jise shamma dhoodh rahi,
Kya baat hai us parwane ki……..

Lamha-lamha bas tera intezaar hai,
Tute hue dil ko kahan karaar hai,
Ye bas teri bewafai ki jeet,
Meri mohabbat ki haar hai.
Ye dard mila mujhe shayad saja thi,
Teri yaadon se khud ko sajane ki….
Khud jise shamma dhoodh rahi,
Kya baat hai us parwane ki……..

Kosish ki humne tujhko pane ki,
Saja mili hume dil lagane ki,
Khud jise shamma dhoodh rahi,
Kya baat hai us parwane ki……..