Pehli baar jo us sarsaar* ko dekha,
Maine ek do raahe pe khada paaya….
Sharmaaye chehre pe, laal aankheN,
Jaise kisi gulzaar ka khwaab aaya….
(*paripurn..! complete in herself…!)

Lakh kareN hum pyar ki baateN,
Par humesha ek ladaai chalti hai….
Main uske ek dost se jalta hooN,
Meri ek dost se wo jalti hai….</p>

Kahar dhaa deta hai hum pe,
Unka wo jaate-jaate, palat jaana….
Pallu lehraa kar, daudna,
Aur aake meri baahoN me simat jaana….

Chupaate-chupaate v aaj chup na saka,
Meri shauk-e-bepanaah* ka raaz….
Har kisi ko sunaai deti hai ab,
Meri aawaaz me teri aawaaz….
(*behad pyar…! Ultimate love…!)

Chehre pe kuch yuN masoomiyat liye,
Wo humare is dil ko todte haiN….
Ki unka wo masoom sa chehra dekhne ko,
Hum dil baar-baar jodte haiN….</p>

Tere ishq ne eh mehboob mere,
Meri rooh ko is kadar nichoda hai…
Ki gum ke har ek katre ko ab,
Maine in aankhon se nichoda hai….

HAAN SACH MERI INDAGI HAI....!