ye koi sher-o-shayri, ghazal, kuch nahi hai .. takneek se karodoN meel door .. kuch tha dil maiN to bas likh ke jaa raha huN ....

 

¯°-_-°¯°-_-°¯°-_-°¯°-_-°¯°-_-°

 

tum wo hi to ho...

 

jo ek roz yuN hi,

 

mil gayi thi kahiN..

 

achanak se nazreN

 

bas khul gayi thi wahin..

 

ki jo ek hawa jaise..

 

saansoN se takrayi..

 

aur dhool se mil kar

 

tasweer si ubhar aayi..

 

tum wahi to ho ...

 

jo ek safar maiN

 

saathi si lagi mujhe...

 

jane kitne barsoN ki

 

jaagi si lagi mujhe...

 

ki sapnoN maiN duniya

 

jo banati chali gayi..

 

ek sabak naya sa hardin

 

jo sikhati chali gayi..

 

tum wahi to ho ...

 

jisne mujhe giraya tha,

 

har baar uthane ke liye..

 

bigada tha meri raatoN ko.

 

mere din banane ke liye...

 

ki tumse hi to seekha hai..

 

ki khuda bhi koi cheez hai

 

jo humeN baccha bana paale..

 

jiske liye hum ajeez hai ...

 

tum wahi to ho ...

 

jo thak kar kabhi mayoos,

 

kone maiN baith jati ho...

 

ki tumhe hai shikwa mujhse..

 

ye kahan tum kabhi batati ho..

 

ki tere aansouN bhi to..

 

kabhi behte dekhe hai maiNe..

 

chamakte hue rang wafa ke,

 

bhi hazaaroN dekhe hai maiNe...

 

tum wahi to ho ....

 

jo muh pher kar bhi,

 

sochti hai mere khyaal ko..

 

khamoshi ka tohfa deti hai,

 

mere har uljhe sawaal ko ...

 

jal jauNga ek aag maiN..

 

ye soch sab keh bhi deti ho..

 

aur kitne teer meri jubaan ke

 

chup chaap seh bhi leti ho ...

 

tum wahi to ho ..

 

jise ek baar bhi to,

 

maine dekha nahi hai..

 

jaanta huN ye bhi ki tumse,

 

khoobsoorat koi chehra nah hai...

 

ki baadloN ke paar kahiN,

 

meri pahunch se door ho tum..

 

meri saanse hai tumse hi,

 

mere jism ka noor ho tum ...

 

tum wahi to ho,..

 

jo ek roz chali jaogi mere.

 

wazood ki kahani ko lekar..

 

ye bhadti hui umra aur,

 

ye ghat-ti hui jawaani lekar..

 

ki tum bin aatma bhi to,

 

mujhme kahiN reh nahi sakti..

 

saansoN ki dhara bhi ye,

 

jism maiN aur beh nahi sakti..

 

haan tum wahi to ho ..

 

par tumahra nahi kahiN..

 

ZINDGI ka jikra tha ye sara,,

 

wo baat aur hai ki,

 

ki tum hi meri jindgi ho..

 

haan tum wahi to ho ..

 

haan tum wahi to ho ....