Tumse mili jab pehli nazar to
laga aise ki barsa sawan,
chuva jab maine tera saaya
khila-khila man ka chaman.

Chehra hai tera kitna pyara,
kho jata hai yeh dil bechara,
lahre jab tera mehka anchal,
chanak jaaye mausam ke paayal,
rup hai tera itna sundar,
bin shrungar ke tu laage dulhan.

Tanha-tanha gumsum raato me,
kho jaata hu main teri baato me,
har pal ab dikhe tera nazaara,
ban gaya hu main tujh bin banjara,
ab to aaja jeevan me mere,
suna-suna hai man ka angan.